.png)
.jpg)
Calicut University Degree Admission-2026
കാലിക്കറ്റില് ബിരുദപ്രവേശനം ഓണ്ലൈന് രജിസ്ട്രേഷന് തുടങ്ങി
FYUGP 2026 - 27 : Online Registration Commenced - Last Date: 12.06.2026
കാലിക്കറ്റ് സര്വകലാശാല 2026-27 അധ്യയന വര്ഷത്തേക്കുള്ള ബിരുദ പ്രവേശനത്തിന് ഓണ്ലൈന് രജിസ്ട്രേഷന് തുടങ്ങി. 12-ന് വൈകീട്ട് 5 മണി വരെ ഓണ്ലൈന് അപേക്ഷ സമര്പ്പിക്കാം. അപേക്ഷാഫീസ്: എസ്.സി/എസ്.ടി 220 രൂപ. മറ്റുള്ളവര് 520/- രൂപ. വെബ്സൈറ്റ് : www.admission.uoc.ac.in
നാലു വര്ഷ ബിരുദ പ്രോഗ്രാമുകളിലേക്കും നാല് വര്ഷ ബി.വോക്. പ്രോഗ്രാമുകളിലേക്കും പ്രവേശനം ആഗ്രഹിക്കുന്ന മുഴുവനാളുകളും ഓണ്ലൈനായി അപേക്ഷ സമര്പ്പിക്കുന്നതിനു മുന്പേ നാലു വര്ഷ ബിരുദ പ്രോഗ്രാമുകളുടെ റഗുലേഷന് (CUFYUGP REGULATIONS-2024)/നാല് വര്ഷ ബി.വോക് പ്രോഗ്രാമുകളുടെ റഗുലേഷന് (Regulation for B.Voc programmes) വായിച്ചു മനസ്സിലാക്കണം.
നാല് വര്ഷ ബിരുദ പ്രോഗ്രാമുകള്ക്ക് പ്രവേശനം നേടുന്നവര്ക്ക് വ്യവസ്ഥകള്ക്ക് വിധേയമായി മൂന്ന് ഓപ്ഷനുകളില് പഠനം പൂര്ത്തീകരിക്കാം.
(എ) 3 വര്ഷത്തെ യുജി ബിരുദം,
(ബി) 4 വര്ഷത്തെ യുജി ബിരുദം (ഓണേഴ്സ്)
(സി) 4വര്ഷത്തെ യുജി ബിരുദം(ഓണേഴ്സ് വിത്ത് റിസര്ച്ച്).
നാല് വര്ഷ ബി.വോക് പ്രോഗ്രാമുകള്ക്ക് പ്രവേശനം നേടുന്നവര്ക്ക് വ്യവസ്ഥകള്ക്ക് വിധേയമായി പഠനം പൂര്ത്തീകരിക്കാം.
(എ) രണ്ട് സെമസ്റ്ററുകള് പൂര്ത്തിയാക്കുമ്പോള്, വിദ്യാര്ഥികള്ക്ക് ഒരു അണ്ടര് ഗ്രാജുവേറ്റ് സര്ട്ടിഫിക്കറ്റ്ലഭിക്കും (NSQFലെവല്4.5)
(ബി)നാല് സെമസ്റ്ററുകള്ക്ക് ശേഷം, ഒരു അണ്ടര് ഗ്രാജുവേറ്റ് ഡിപ്ലോമ (NSQF ലെവല് 5.0)
(സി)ആറ് സെമസ്റ്ററുകള്ക്ക് ശേഷം, ഒരു ബി.വോക്. ബിരുദം (NSQF ലെവല് 5.5);
(ഡി )എട്ട് സെമസ്റ്ററുകള്ക്ക് ശേഷം, ഒരു പിജി ഡിപ്ലോമ അല്ലെങ്കില് ഓണേഴ്സ് ബിരുദം (NSQF ലെവല് 6.0) ലഭിക്കും
ഓണ്ലൈന് അപേക്ഷ സമര്പ്പണത്തിന്റെ ആദ്യ ഘട്ടത്തില് CAP IDയും പാസ്വേഡും മൊബൈലില് ലഭ്യമാകുന്നതിനുവേണ്ടി അപേക്ഷകര് http://admission.uoc.ac.in/ug/ ->Apply Now എന്ന ലിങ്കില് അവരുടെ അടിസ്ഥാന വിവരങ്ങള് നല്കേണ്ടതാണ്. ഓണ്ലൈന് രജിസ്ട്രേഷന്റെ തുടക്കത്തില് മൊബൈല് നമ്പര് ശരിയായി നല്കാത്തതിനാല് CAP ID, സെക്യൂരിറ്റി കീ എന്നിവ ലഭ്യമാകാത്ത സാഹചര്യം ഒഴിവാക്കുന്നതിനായി മൊബൈല് നമ്പര് ഒ.ടി.പി (One Time Password) വെരിഫിക്കേഷന് നടപ്പിലാക്കിയിട്ടുണ്ട്. രജിസ്റ്റര് ചെയ്യുന്നവര് വിദ്യാര്ത്ഥികള് അവരുടെതോ, അല്ലെങ്കില് രക്ഷിതാവിന്റെയോ ഫോണ് നമ്പര് മാത്രമേ ഓണ്ലൈന് രജിസ്ട്രേഷന് സമയത്ത് നല്കാവൂ. തുടര്ന്ന് മൊബൈലില് ലഭിച്ച CAP ID യും പാസ്വേഡും ഉപയോഗിച്ച് ലോഗിന് ചെയ്ത് അപേക്ഷ പൂര്ത്തീകരിക്കേണ്ടതാണ്. അപേക്ഷകര്ക്ക് ഓണ്ലൈന് അപേക്ഷാ സമര്പ്പണ വേളയില് ലഭിക്കുന്ന പാസ്സ്വേര്ഡിന്റെ രഹസ്യ സ്വഭാവം വെളിപ്പെടുത്താന് പാടില്ലാത്തതും പ്രവേശനപ്രക്രിയ അവസാനിക്കുന്നതു വരെ സുരക്ഷിതമായി സൂക്ഷിക്കേണ്ടതുമാണ്. അപേക്ഷയുടെ അവസാനമാണ് രജിസ്ട്രേഷന് ഫീസ് അടയ്ക്കേണ്ടത്. Save & Proceed എന്ന ബട്ടണ് ക്ലിക് ചെയ്യുന്നതിന് മുന്പേ അപേക്ഷയില് നല്കിയ വിവരങ്ങള് ശരിയാണെന്ന് പരിശോധിച്ച് ഉറപ്പാക്കേണ്ടതാണ്. അപേക്ഷാ ഫീസ് അടച്ചതിനുശേഷം വീണ്ടും ലോഗിന് ചെയ്ത് അപേക്ഷയുടെ പ്രിന്റ്ഔട്ട് എടുക്കേണ്ടതാണ്. പ്രിന്റൗട്ട് ലഭിക്കുന്നതോടെ മാത്രമേ അപേക്ഷ പൂര്ണമാകൂ.
B.Com, BBA എന്നിവയുള്പ്പെടെ എല്ലാ ബിരുദ ഹോണേഴ്സ് പ്രോഗ്രാമുകള്ക്കും സ്പെഷ്യലൈസേഷന് ഉണ്ടായിരിക്കും. വിവിധ കോളേജുകളില് ലഭ്യമായ ബിരുദ പ്രോഗ്രാമുകളുടെ മേജര്, മൈനര്, സ്പെഷ്യലൈസേഷന് എന്നിവയുടെ വിശദാംശങ്ങള് അതത് കോളേജുകളുടെ വെബ്സൈറ്റില്/നോട്ടീസ് ബോര്ഡില് ലഭ്യമാണ്.
അപേക്ഷകര് ഓണ്ലൈന് രജിസ്ട്രേഷന് സമയത്ത് നല്കുന്ന മാര്ക്ക്, NSS NCC തുടങ്ങിയ വെയിറ്റേജ്, നോണ്-ക്രീമിലെയര്, EWS സംവരണ വിവരങ്ങള് എന്നിവ കൃത്യ മാണെന്ന് ഉറപ്പുവരുത്തേണ്ടതാണ്. +2/ഹയര് സെക്കന്ററി മാര്ക്ക് ലിസ്റ്റ് പ്രകാരം രജിസ്റ്റര് നമ്പര്, പേര്, ജനന തിയ്യതി എന്നിവ കൃത്യമായി രേഖപ്പെടുത്തിയവര്ക്ക് മാത്രമേ ഓണ്ലൈന് രജിസ്ട്രേഷന് പൂര്ത്തീകരിക്കാന് സാധിക്കുകയുള്ളൂ. ആയതിനാല് +2/HSE മാര്ക്ക് ലിസ്റ്റിന്റെ അടിസ്ഥാനത്തില് മാത്രം രജിസ്ട്രേഷന് പൂര്ത്തീകരിക്കുക.
ഓണ്ലൈന് രജിസ്ട്രേഷന് വിദ്യാര്ഥികള്ക്ക് 20 ഓപ്ഷന് വരെ നല്കാവുന്നതാണ്. ഗവ., എയ്ഡഡ്, സ്വാശ്രയ കോളേജുകളിലെ കോഴ്സുകളില് വിദ്യാര്ഥികള്ക്ക് ഏറ്റവും താത്പര്യമുള്ള/ആഗ്രഹിക്കുന്ന ഓപ്ഷനുകള് മുന്ഗണനാ ക്രമത്തില് സമര്പ്പിക്കാന് ശ്രദ്ധിക്കണം. സെല്ഫ് ഫിനാന്സിംഗ് കോഴ്സുകളുടെ ഫീസ് എയ്ഡഡ്/ ഗവണ്മെന്റ് കോഴ്സുകളുടെ ഫീസില് നിന്നും വ്യത്യസ്തമായിരിക്കും.
കമ്മ്യൂണിറ്റി ക്വാട്ടയില് പ്രവേശനം ലഭിക്കേണ്ടവര് അവര് തിരഞ്ഞെടുക്കുന്ന 20 (ഇരുപത്) കോളേജ് ഓപ്ഷനുകളില് ഉള്പ്പെടുന്ന എയ്ഡഡ് കോളേജുകളിലെ അര്ഹമായ കമ്മ്യൂണിറ്റി ക്വാട്ടയിലേക്കായിരിക്കും പരിഗണിക്കുക. ഓരോ കമ്മ്യൂണിറ്റിക്കും അര്ഹമായ കോളേജുകളുടെ ലിസ്റ്റ് വെബ്സൈറ്റില് പ്രസിദ്ധപ്പെടുത്തിയിട്ടുണ്ട്. ഈ ലിസ്റ്റില് ഉള്പ്പെടുന്ന കോളേജുകള്, കമ്മ്യൂണിറ്റി ക്വാട്ട പ്രവേശനം ആഗ്രഹിക്കുന്ന വിദ്യാര്ഥികള് അപേക്ഷ പ്രകാരം തിരഞ്ഞെടുത്ത കോളേജ് ഓപ്ഷനുകളില് ഉള്പ്പെട്ടിട്ടുണ്ടെന്ന് ഉറപ്പുവരുത്തണം.
അപേക്ഷ സമര്പ്പിച്ച് പ്രിന്റൗട്ട് എടുത്ത വിദ്യാര്ഥികള്ക്ക് ഓണ്ലൈന് രജിസ്ട്രേഷന്റെ അവസാന തിയ്യതി വരെ അപേക്ഷ എഡിറ്റ് ചെയ്യുന്നതിനുള്ള സൗകര്യം സ്റ്റുഡന്റ് ലോഗിനില് തന്നെ ലഭ്യമായിരിക്കും. എഡിറ്റ് ചെയ്യുന്നവര് പുതുക്കിയ അപേക്ഷയുടെ പ്രിന്റൗട്ട് നിര്ബന്ധമായും ഡൗണ്ലോഡ് ചെയ്ത് സൂക്ഷിക്കേണ്ടതാണ്.
ഓണ്ലൈന് അപേക്ഷയുടെ പ്രിന്റ്ഔട്ട് യൂണിവേഴ്സിറ്റിയിലേക്കോ കോളേജുകളിലേക്കോ അയക്കേണ്ടതില്ല. എന്നാല് അഡ്മിഷന് ലഭിക്കുന്ന അവസരത്തില് അപേക്ഷ യുടെ പ്രിന്റ്ഔട്ട് മറ്റു അനുബന്ധ രേഖകളോടൊപ്പം അതത് കോളേജുകളില് സമര്പ്പിക്കേണ്ടതാണ്.
പ്രവേശനം ആഗ്രഹിക്കുന്ന എല്ലാവരും (ജനറല്, മാനേജ്മെന്റ്, കമ്മ്യൂണിറ്റി ക്വോട്ട, സ്പോര്ട്ട്സ്, ഭിന്നശേഷി വിഭാഗക്കാര്, വിവിധ സംവരണ വിഭാഗക്കാര്) ഓണ്ലൈനായി രജിസ്റ്റര് ചെയ്യേണ്ടതാണ്.
മാനേജ്മെന്റ്, സ്പോര്ട്ട്സ് എന്നീ ക്വോട്ടകളില് പ്രവേശനം ആഗ്രഹിക്കുന്നവര് ഓണ്ലൈന് രജിസ്ട്രേഷനു പുറമേ പ്രവേശനം ആഗ്രഹിക്കുന്ന കോളേജുകളുമായി നേരിട്ട് ബന്ധപ്പെട്ട് അപേക്ഷ സമര്പ്പിക്കേണ്ടതാണ്.
അലോട്ട്മെന്റ്, അഡ്മിഷന് തുടങ്ങിയവയുമായി ബന്ധപ്പെട്ട സുപ്രധാന വിവരങ്ങള് അതത് സമയത്ത് വെബ്സൈറ്റില് പ്രസിദ്ധീകരിക്കുന്നതായിരിക്കും http://admission.uoc.ac.in. പ്രവേശനം ആഗ്രഹിക്കുന്നവര് ഈ നിര്ദേശങ്ങള്/ സര്വകലാശാല വാര്ത്തകള് എന്നിവ ശ്രദ്ധിക്കേണ്ടതാണ്. അലോട്ട്മെന്റ്/അഡ്മിഷന് എന്നിവയുമായി ബന്ധപ്പെട്ട വ്യക്തിഗത അറിയിപ്പുകള് സര്വകലാശാല നല്കുന്നതല്ല. കൂടുതല് വിവരങ്ങള്ക്ക് 0494- 2407152, 2407016, 2407017.
Degree Admission Press Release
🔗 Download
Degree Admission Official Link
Notification 2026-27
🔗 Download
Four Year Under Graduate Programme 2026-27
Online Application Link Active Now
.png)
Calicut University Affiliated Colleges
Courses
MGUniversity Degree Admission-2026
ബിരുദപ്രവേശനം ഓണ്ലൈന് രജിസ്ട്രേഷന് തുടങ്ങി
Degree Admission Official Link
MG University Official Link
Kerala University Degree Admission-2026
ബിരുദപ്രവേശനം ഓണ്ലൈന് രജിസ്ട്രേഷന് തുടങ്ങി
Degree Admission Official Link
Kannur University Degree Admission-2026
ബിരുദപ്രവേശനം ഓണ്ലൈന് രജിസ്ട്രേഷന് തുടങ്ങി
Last Date:15 June 2026, 5 PM
Helpline Numbers: 7356948230
Degree Admission Official Link
Kannur University Official Link
.png)
.png)
.png)
.png)
Thanks for your response